Fagnað verður á verkefnahelgi í KBH

Við félagarnir, Jarlinn og Haraldur, erum nú að fagna sameiginlegum áfanga. Í dag fengum við ný kort frá viðskiptabönkum okkar.

Haraldur fékk forláta PLATINIUM kort frá vinum sínum í Kappaflingfling. Hann fær þetta helsta, aðgang að drullubúllum á flugvöllum ásamt minimum heimild upp á milljón o.s.frv. (Ætli nýr jeppi sé ekki á leiðinni, sami en bara í lit númer 3).

Halli var þó ekki sá eini sem datt í lukkupottinn því ég var að fá í pósti svokallað basis kort frá Nordea, þetta er stórglæsilegt kort sem brúkast einungis í hraðbönkum og eru færslur fríar mánudaga út fimmtudaga. Um helgar og á næturnar borga ég ca 45 isk fyrir úttekt. Helstu fríðindin eru þau að þetta er ótrúlega handhægt kort sem er einkar hentugt í kortaveski. Léttleikinn er ráðandi í hönnun þessa korts en það er grátt með nafninu mínu í high caps í sérstöku letri sem einungis er notað af Nordea. Ég kann þessum aðilum gríðarlegar þakkir fyrir traustið að fá þetta kort í hendurnar og lofa ég því að þetta verði einungis notað á tillidögum.

 Við ætlum að fagna þessum áfanga á barnum á First Hotel Skt. Petri næstkomandi fimmtudag kl 20:00. Auðvitað viljum við bjóða öllum í drykk eða tvo vegna ríflegrar heimildar sem Halli er með. Bæði kortin verða til sýnis.

 Kv,

 Jarlinn

Athugasemdir

[Hanemar, 25.3.2007 kl. 11:35]

Sæll Ingi og til hamingju með hraðbankakortið. Þetta er þjónustustaðall sem þekkist ekki á Íslandi en er sennilega sérsniðinn í Danmörku að fólki sem er á bísanum Það breytir ekki því að þarf að vera inneign á kortinu til að nota það Ég mæti ef ég næ að rífa mig útaf drullubúllunni á Keflavíkurflugvelli!

H.

[Texas (IP-tala skráð) 30.3.2007 kl. 14:54]

Nú eru bæði kortin til sýnis á neðangreindri slóð:

www.interpol.int/wanted/Financial_crime/WOWcards/Mr_H_and_theJarl.jpeg